انا عبدالهادي محمد طالب بكالوريوس تجارة قسم الاحصاء.... دراستي الاكاديمية جمعت مابين البزنس وعلوم البيانات ومع دراستي للمواد الادارية والمحاسبية كنت شغوف اني احللها فكنت بالورقة والقلم ببدأ احلل البيانات ونا بذاكر لكن انا من اولى جامعة ونا بتعلم تحليل البيانات ... دخلت انشطة طلابية واخدت بيست ممبر في لجان البيانات وكل ده من اولى جامعة خبرتي مش كبيرة لكن الادوات وطريقة التفكير سلاح عندي من زمان مثلا الاكسيل بستعمله من ونا صغير ده حتى كنت عامل نموذج يتنبأ بدرجة الثانوية بتاعتي والحمد لله كدبت النموذج وجبت اعلي منه 3% وده غير اني مع بداية تعلمي بدأت اشتغل بجد وعملت مشاريع كتير واظن جه الوقت عشان ابدأ ابيع خدمتي للي محتاجها بجد وانا مش بديلك داشبورد او شيت منظم وشكله حلو انا ببعلك قرار وتوصيات من خلال البيانات انا متدرب في رواد مصر الرقمية من وزارة الاتصالات المصرية الدفعة الرابعة اشتغلت علي اكتر من Line of Business زي التجارة الاليكترونية والبيانات الاقتصادية والبيانات الاجتماعية والسكانية وكمان البيانات المالية عملت اكتر من نموذج مالي ومنهم FMI Mini Exam علاوة علي اني كنت مديا باير بخبرة 4 سنين والاساس بتاعي تسويقي .. بصراحة كان عندي مشاكل وهي اني مكنتش بعرف احلل النتايج بتاعتي وده كان السبب اني ابدأ اتعلم تحليل البيانات وهنا كانت المفاجأة وهي اني سبت التسويق خالص ولقيت نفسي اكتر كمحلل بيانات يقدر ياخد قرار ويشوف حاجات محدش غيرة يقدر يشوفها وبعد ما كنت ونا صغير حابب اكون زي شارلوك هولمز الحمدلله لقيت الطريق اللي وصلني اني اكون محقق يكتشف الغامض والمثير ولكن في الداتا دلوقتي انت عرفت قصتي ونا عارف ان اسلوبي مش مهني ولكن ده عشان احسسك اني اخوك وصديقك وده اللي فعلا هتحسه وانت بتتعامل معايا واي حاجه هتحتاجها مني انا تحت امرك كصديق وأخ