هل عندك فكرة أو مشروع، لكن لسه مش لاقي الشكل اللي يخلي الناس تفتكره من أول نظرة؟ الهوية البصرية مش مجرد لوجو وألوان… هي أول انطباع بياخده العميل عنك، وهي اللي بتحدد هيشوفك براند احترافي ولا مشروع عادي وسط المنافسين. أنا منة، مصممة جرافيك متخصصة في تصميم الهويات البصرية والشعارات، بخبرة أكتر من 3 سنوات. هدفي مش إني أصمم شكل جميل وبس، لكن إني أبني هوية تخدم مشروعك، وتعبر عن شخصيته، وتخلي كل نقطة تواصل مع عملاءك تسيب نفس الانطباع. عندي خبرة في برامج زي: الفوتوشوب الاليستريتور الاين ديزاين الوورد البوربوينت قبل ما أبدأ أي تصميم، بفهم: - مين جمهورك؟ - إيه اللي بيميزك عن المنافسين؟ - إيه الصورة اللي عايز عميلك يشوفك بيها بعد سنة أو اتنين؟ لأن التصميم الصح هو اللي يفضل يخدم البراند مع نموه، مش بس وقت إطلاقه. اللي هسلمهولك: - شعار احترافي بصيغ (AI – SVG - JPG – PNG) High Quality. - لوحة ألوان Color Palette وهوية متناسقة. - ملفات منظمة وجاهزة للسوشيال ميديا والطباعة. - تصميم قابل للتطوير مع توسع مشروعك مستقبلًا أنا كمان بحب أقترح أفكار وتحسينات ممكن تضيف قيمة حقيقية للبراند لو لقيت فرصة، لأن نجاح التصميم بالنسبالي بيبدأ بعد ما المشروع ينزل للسوق، مش أول ما أسلم الملفات. ابعتلي فكرة مشروعك حتى لو لسه في بدايتها، وهقولك إزاي نقدر نبني هوية تخلي الناس تفتكره، وتخدم أهدافه على المدى الطويل… مش مجرد لوجو شكله حلو.